Фритьоф Нансен
Фритьоф Нансен (норвегяар Fridtjof Nansen; 1861 оной 10 һарын 10, Баруун Акер — 1930 оной 5 һарын 13, Байрюм) — Норвегиин аяншалагша, туйл газарые шэнжэлэгшэ, океанограф, биолог, уларилай шэнжэлэгшэ, олониитын ажал ябуулагша; Ослогой ехэ һургуулиин ректор (1919—1921). Аяншалгынгаа тухай «Санаар Гренландиие гаталга», «Эскимосуудай ажамидарал», «Сибириие гаталаад», «Кавказаар дамжан Волго хүрэтэр» зэргын тэмдэглэл бэшэһэн байна.
| Фритьоф Нансен | |
| Fridtjof Nansen | |
 | |
| Ажал үйлэ: |
аяншалагша |
|---|---|
| Түрэһэн үдэр: |
1861 оной 10 һарын 10[1][2][3][4][5][6][7][8][9][10][11][12] |
| Түрэһэн газар: | |
| Эрхэтэнэй харьяалал: | |
| Наһа бараһан үдэр: |
1930 оной 5 һарын 13[13][2][3][4][5][6][7][8][9][10][11][12] (68 наһатай) |
| Наһа бараһан газар: | |
| Гарай үзэг: |
|
.svg){kind=small}
Намтар
ЗаһахаФритьоф Нансен хадаа Кристиани хотын ойродо, Стурэ Фрёэн гэжэ бууса газарта, хуулишанай бүлэдэ түрэһэн байна. Эхэнь Аделаида Иоханна Текла Исидор хадаа Ведель-Ярлсберг изагууртан обогтой байгаа. Нансен зургаан аха дүүнэртэй, нэгэ ахатай байгаа. Тэрэ Кристианида һургуулида һуража, бага наһанһаан байгаалиин эрдэм ухаанаар һонирхожо эхилһэн байгаа. Һургуулияа дүүргэһэнэй һүүлээр, Фритьоф Нансен хадаа уһан сэрэгэй офицер болохоёо һанаһан болобошье, эсэгынгээ зүбшэлөөр 1880-1882 оной хоорондо Кристианиин хаан Фредеригэй ехэ һургуулида биологи шудалжа эхилһэн.
1882 ондо Фритьоф Нансен хадаа Бергенэй музейдэ 2-дохи консерваторай тушаал эзэлжэ, тэндэ нилсагай бэетэдэй мэдэрэлэй системын талаар дипломно ажал бэшэжэ, 1888 ондо докторой нэрэ зэргэтэй болоһон юм. Берген хотодо ажаллажа байхадаа, тэрэ Арендалһаа Хойто мүльһэн далай болон Гренланди хүрэтэр далайн гахай агнаха «Викинг» онгосодо хамтарха аргатай болоһон, тэндэ тэрэ Арктикын түрүүшын дүршэлтэй болоһон ба Гренландиин мүльһэн дээгүүр санаар ябаха hанал түрэбэ.[14]
1888 ондо тэрэ анха түрүүшынхиеэ Гренланди дээгүүр санаар гаталжа, Гренландиин ара тала баһал мүльһэтэй гэжэ байдалые тогтооһон байна. тэрэнэй тойрогууд. 1893—1896 онуудай хоорондо Нансен «Фрам» онгосоор Хойто мүльһэн далайн үндэр үргэригтэ экспедици ударидажа, Хойто мүльһэн далайда ехэ гүнзэгые гэршэлһэн, уһанай массануудайнь бүтэсэ, гарал үүсэл тодорхойлһон, Дэлхэйн үдэр бүриин хүдэлөөн мүльһэн дээрэ нүлөөе элирүүлһэн байна.
1900 ондо Нансен Хойто мүльһэн далайн гүйдэлые шэнжэлһэн байна. Нансен хадаа 1913 ондо Хойто мүльһэн далайн эрьеэ дахажа, Енисейн адаг хүрэтэр уһан онгосоор ябажа, удаань Зүүн Сибириин урда зүг, Алас Дурнаар аяншалһан байна.
1920—1921 оной хоорондо, Нансен болбол Үндэһэтэнэй Лигын плендэ абтаһан хүнүүдэй талаар дээдэ комиссар байгаа, 1921 ондо Эжэл (Волго) шадар можодо үлэсхэлэндэ дайрагдаһан зондо туһаламжа эмхидхэгдээ һэн. 1925—1929 оной хоорондо, Нансен хадаа Турциһаа армянуудые Зүблэлтэ Холбооной Арменидэ бусааха комиссиин түрүүлэгшэ байгаа. 1922 ондо Нобелиин энхэ тайбанай шагналда хүртэһэн түүхэтэй.
Зүүлтэ
Заһаха- ↑ П. Ганзен Нансен, Фритьоф // Энциклопедический словарь — СПб.: Брокгауз — Ефрон, 1897. — Т. XXа. — С. 524–526.
- ↑ 2,0 2,1 Sverdrup H. U. Encyclopædia Britannica
- ↑ 3,0 3,1 SNAC — 2010.
- ↑ 5,0 5,1 Norsk kunstnerleksikon — (untranslated).
- ↑ 6,0 6,1 Norsk biografisk leksikon — Kunnskapsforlaget. — ISSN 2464-1502
- ↑ 7,0 7,1 Bibliothèque nationale de France Notice de personne — 2011.
- ↑ 8,0 8,1 Энциклопедия Брокгауз
- ↑ 9,0 9,1 Энциклопедия Брокгауз
- ↑ 10,0 10,1 Gran Enciclopèdia Catalana — Grup Enciclopèdia, 1968.
- ↑ 11,0 11,1 GeneaStar
- ↑ 12,0 12,1 Munzinger Personen
- ↑ Нансен Фритьоф // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969.
- ↑ «Викинг» гэһэн Арендалай онгосоор Нансенэй Арктикэдэ аяншалга. Avtrykk.no (02.07.2018).