Наньчан
Наньчан (хитадаар 南昌), Хитад уласай хото, Ганьцзян мүрэндэ уһанай боомто (Поянху нуурай һаба). Цзянси можын засаг захиргаанай түб мүн. Хүн зониинь 2 357 838 ажаһуугшад (2010), хотын захатай тоолобол 5 042 565 ажаһуугшад[1]. Тээбэриин уулзабари. Уласхоорондын ниидэхэ онгосын буудал.
| Наньчан хото ᠨᠠᠨᠴᠠᠩ ᠬᠣᠲᠠ |
|
|---|---|
| 南昌市 | |
| Наньчан хото | |
 |
|
.png) |
|
| Улас орон |  БНХАУ |
| Можо | Цзянси можо |
| Можын хото | Наньчан хото |
| Газар нютаг | 7 402 км² |
| Хүн зон (тоол.) | 5 сая хүн |
| Сагай бүһэ | Хитадай саг (НЗНС+8) |
| Сахим газар | www.nc.gov.cn (хитадаар) |
Машина бүтээлгэ (тээбэриин, хүдөө ажахын, станок бүтээлгэ), нэхэмэлэй (хүбэн дабуунай), целлюлозо-саарһанай, химиин, хүнэһэнэй (тутарга сэбэрлэхэ, гурил тээрмэдэхэ, тоһоной) ажаүйлэдбэри. Уламжалалта дархалалгын үйлэдбэрилгэ.
Ехэ һургуулитай. Чжоу Эньлайн болон Чжу Дэгэй гэр-музейнүүд.
Хань уласай үедэ манай эринэй үмэнэхи (МЭҮ) 201 ондо Гань (贛) гэжэ нэрэтэйгээр байгуулагдаһан юм. Манай эринэй 589 ондо, Суй уласай үедэ, Хончжу (洪州) гээд дахин нэрлэгдэһэншье, тиигээд мүнөөгэй нэрэтэй болобо. 1927 оной 8 һарын 1 Наньчанда Чжоу Эньлай болон Чжу Дэ хоерой ударидаһан буһалгаан болобо. Хитад хубисхалай түүхэдэ энэ огноо Хитадай арадай сүлөөлхэ армиин байгуулгын сэгээр тоосожо байна. 1949 оной һүүлдэ Наньчангай ажаүйлэдбэриин хүгжэл эхилбэ.
Хотын суурхаһан юумэнүүдэй дунда Гань мүрэнэй эрье дээрэ Тэн вангай танхим (анхандаа 653 ондо баригдаһан, 1926 галдагдажа 1989 ондо дахин баригданхай); Тан уласай үеын (618–907) энэрилтэй Арьяа-Баала бурханай (хитадаар Гуаньинь бурхан гэжэ нэрэтэй) дуган болон Алтан Утаһанай Субарга (хуушан хотын эгээн үндэр барилга); Бада Шаньжэниин галерей (1624—1705 оной хоорондо амидарһан эртын Манжын Цин үеын Чжу Да нэрэтэй уран зурааша); Цинъюнь сэсэрлиг, Цзянси можын музей (1958 ондо байгуулагданхай, хитад эртын сагай юумэнүүдэй суглуулбаритай); Чжу Дэгэй хуушан һуудал; 1927 оной 8 һарын 1 үдэрэй Наньчангай буһалгаанай хүшөө дурасхал (1977—79 оной хоорондо баригданхай); Цзянси можын хубисхалай хохидогшодой хүшөө дурасхал (1953); сагаан гантигаар хэһэн Фан Чжиминиин хубисхалай мавзолей (1979).
Зурагай сомог
Заһаха-
Тэн вангай танхим (滕王阁) -
Алтан Утаһанай Субарга (绳金塔) -
Бада Шаньжэниин галерей (八大山人纪念馆) -
Бурхан Багшын хүшөө
Зүүлтэ
Заһаха- ↑ 南昌市2010年第六次全国人口普查主要数据公报 (Chinese). 南昌市统计局 (20 March 2012). the original on 23 July 2015 үдэрһөө архивлагдаһан. 23 July 2015 үдэртэ хандаһан.