Липецк

Липецк (ород: Липецк), Оросой холбоото уласай Липецкын можын засаг захиргаанай түб, Воронеж мүрэндэ оршодог. Москва хотоһоо 445 км зайда байрлана. Түмэр замай станци. 510 мянган хүн зонтой (2015). Хара түмэрлиг (Новолипецкын түмэрлигэй комбинат; «Свободный Сокол», хоолойн үйлэдбэринүүд), машина бүтээлгэ (трактор, станок бүтээлгэ), барилгын материал, химиин, хүнэһэнэй ажаүйлэдбэри. 2 дээдэ һургуулинууд (Липецкын гүрэнэй технологиин ехэ һургуули ба Липецкын гүрэнэй багшын ехэ һургуули), 2 театрнууд. Нютаг шэнжэлгын музей. Г. В. Плехановой гэр-музей. Алдартай аршаан болон эмэй шабарай амралтын газар (1803 ондо байгуулагдаһан) байна. Липецк хото 1703 ондо Нэгэдүгээр Пётрын зарлигаар байгуулагданхай. 1779 ондо Ехэ Екатеринын зарлигаар хотын зэргые абаһан.

Зурагууд