Харбин
Харбин (ᠬᠠᠷᠪᠢᠨ; хилбар Хитад: 哈尔滨; уламж Хитад: 哈爾濱; пиньинь: Hā'ěrbīn), Хитад Уласай зүүн-хойто хэһэгтэ, Сунгари мүрэнэй зүүн эрьедэ байрладаг дэд-можын зэрэгэтэй хото, Хара-Мүрэн можын засаг захиргаанай түб мүн. Хотын захатай тоолобол, 10 635 971 ажаһуугшадтай (2010).
| Харбин хото ᠬᠠᠷᠪᠢᠨ ᠬᠣᠲᠠ |
|
|---|---|
| 哈尔滨 | |
 |
|
| Улас орон |  БНХАУ |
| Можо | Хара-Мүрэн можо |
| Можын хото | Харбин хото |
| Газар нютаг | 53 068 км² |
| Хүн зон (тоол.) | 10 635 971 хүн (2010) |
| Сагай бүһэ | Хитадай саг (НЗНС+8) |
| Сахим газар | harbin.gov.cn (ородоор) |
Хойто Хитадай шухала эдэй засагай түб болон тээбэриин уулзабари, ниидэхэ онгосын буудалтай. Машина бүтээлгэ, энэ тоодо сахилгаан эршэмэй, газарай тоһоной болон химиин үйлэдбэридэ зорюулһан тоног түхеэрэмжэшын үйлдэбэри , онгосо (мүрэнэй) барилга, хэрэгсэл, станогой бүтээлгэ, галта тэрэгэй вагон, бүмбэгэ холхибшын (шарикоподшипнигой) үйлдэбэри, хүдөө ажахын, химиин, эм зүйн, нэхэмэлэй, арһанай, хүнэһэнэй (саахарай, тоһоной, гурилай, консервын), модо болбосоруулха, саарһанай үйлэдбэрилгэ, барилгын материалай үйлдэбэри. хүдөө ажахын болон модо бэлдэхэ газар нютагай наймаанай түб.
Шухала соёлой болон эрдэм ухаанай түб. Харбинай ехэ һургуули (Хэйда). Харбинай хуушан фотозурагай музей.
Харбин гэһэн нэрэнь манжа хэлээр «загаһанай гүльмэ хатаадаг газар» гэжэ удхатай үгэһөө гаралтай юм. Харбинай үбэлынь маша хүйтэн байдаг тула "мүльһэн хото" гэгдэхэнь бии. Харбиниинь үбэлэй уларилда бододог үзэсхэлэнтэ мүльһэн хотохон болон Хитад-Оросой худалдаанда гол үүргэ гүйсэдхэдэг хото гэдэгээрээ алдартай. 1920-еод ондо Харбинда Парис, Москвагай шэнэ загбарнууд Шанхайһаа түрүүндэ ерэдэг байһан тула Хитадай загбарай ниислэл гэгдэжэ байгаа. Харбин хото мүнөө 2022 оной үбэлэй олимпиин нааданиие зохеон байгуулха эрхын түлөө мүрэсэлдэжэ байна.