Доодо Новгород
Доодо Новгород (ород: Нижний Новгород, 1932—1990 оной хоорондо — Горький гэжэ нэрэтэй), Оросой холбоото уласай хото, Доодо Новгородой можын түб, Ока мүрэн Эжэл мүрэндэ шудхан ородог үзүүртэхи оршоно. Томо мүрэнэй порт, түмэр замай уулзабари. 1 259 мянган ажаһуугшадтай (2010). Машина бүтээлгын ба түмэрлигэй үйлэдбэриин томо түб (ажаүйлэдбэри: автомашина бүтээлгэ «ГАЗ», машина бүтээлгэ, станок бүтээлгэ, «Металлист»; «Красное Сормово», «Двигатель революции» дизелиин үйлэдбэри, агаарай тээбэриин үйлэдбэри, харилсаа холбооной тоног түхеэрэмжын үйлэдбэри, телевизорой үйлэдбэри). Заһажа хэхэ хара ба үнгэтэ түмэрлигэй үйлэдбэри, химиин ба газарай тоһоной химиин, хими-эм зүйн, модон болбосоруулгын, барилгын хэрэгсэлэй, хүнэһэнэй ба хүнгэн ажаүйлэдбэриин үйлэдбэринүүд. Метрополитен (1985 онһоо). 9 дээдэ һургуулитай. 5 театрнууд. Уран һайханай, Максим Горький нэрэмжэтэ, Добролюбов нэрэмжэтэ музейнууд. Түүхэ ба уран барилгын дархан саазатай газар.
| Доодо Новгород хото | |||
|---|---|---|---|
| — хотын тойрог — | |||
|
|||
| Улас орон |  ОХУ |
||
| Можо нютаг | Доодо Новгородой можо | ||
| Хотын тойрог | Доодо Новгород | ||
| 8 хороо | Найман хороотой | ||
| Газар нютаг | 410,68-466,5 км² | ||
| Газарай байса | д.н.д. 200 м | ||
| Хүн зон | 2015 ондо  1 267 760 хүн |
||
| Нягтарал | 3086,98 хүн/км² | ||
| Нютагай олон | Доодо Новгородойхид | ||
| 1932 онһоо 1990 хүрэтэр | |||
| Дарга | Иван Карнилин (ЕР) | ||
| Телефоной_код | +7 831 | ||
| Сахим газар | нижнийновгород.рф (ородоор) | ||
Доодо Новгород 1221 ондо байгуулагдаһан. 1341-92 ондо Доодо Новгород-Суздалиин гүнлигэй ниислэл. XIX-XX зуунда Доодо Новгород Орос гүрэнэй һанхүү-наймаанай эгээн томо түб (тэрэнэй дотор, дэлхэйн үрэ таряанай наймаанай түб). 1817—1917, 1922-30 ба 1990 онһоо жэл бүриин Доодо Новгородой яармагтай. Кремль ордонтой (XVI-XVII зуун), Печерэй хиид (XVII зуун), Смоленскын (XVII зуунай эсэс) ба Рождествын (XVIII зуун) церковь сүмэнүүд.