Океани — Номгон далайн түб ба баруун-урда хэһэгтэ байрладаг, баруун талада Австраляар, Малайн ольтирогоор, хойто, зүүн, урда талада аралгүй далайгаар хизгаарлагдадаг Дэлхэйн бүһэ нютаг юм. Меланези, Микронези, Полинези гэһэн гурбан хэһэгтэ хубаагдана; заримдаа онсогойгоор Шэнэ Зеланд илгаран гарана. 1,26 сая км² аралай талмайтай. Уг гарбалай талаар ехэнхидээ галта уулын (үндэр) болон шүрэнгэй (набтар) аралтай. Эгээн үндэр сэг 5029 метртэй Джая уула (Шэнэ Гвиней). Далайн, ехэнхидээ субэкваторой ба экваторой, уларилтай, урда талада — субтропигой ба шэрүүн уларилтай. Жэлдээ 1000 мм оршом шииг нойтотой, томо аралнуудай һалхин талада 10 мянган мм хүрэнэ. Ургамалнууд хадаа — халуун ороной шииглиг ой, хээрын тала, нуга. Фаунын талаар үсөөнхи һүн тээжэлтэн амитадтай, олон шубуутай; эндемик зүйлнүүд олон. Халуун ороной таряалга болон загаһа барилга арадай ажахын гол һалбари болоно. Океанида 36 659 мянган хүн оршом ажаһууна (2010).
Дэлхэйн газарай зурагтахи Океани
