Исфана (хиргисээр Исфана, узбегээр Isfana) — урда Кыргызстанда Баткен можын баруун захада байрладаг бишыхан хото. Исфана Ферганагай хонхорой урда хэһэгтэ, гурбан талаһаа Таджикистанаар хүреэлэгдэһэн газарта оршоно.

Исфана
—  хото  —
хиргисээр Исфана
Хотын тэмдэг
Хотын тэмдэг
Улас орон  Кыргызстан
Газар нютаг 2,52 км²
Хүн зон 28 085[1]

«Исфана» үгэ согд хэлэнэй «асбаникат», «асбаникент» гү, али «аспанакент» гэһэн «мориной газар» удхатай үгэһөө гаралтай гэжэ эрдэмтэд һанана.[2] IX зуун жэлһээ хойшо Исфана һууришанхай. Зүблэлтэ үедэ хото ехээр хубилагданхай. Исфанагай тосхоной зүблэл 1937 ондо бии болобо. 2001 ондо Аскар Акаевай юрэнхылэгшын зарлигаар Исфана албан ёһоор хото зэргэтэй болобо.

Исфана Лейлек аймагай засаг захиргаанай түб юм. Мырза-Патча, Самат, Чимген, Тайлан, Ак-Булак ба Голбо гэһэн тосхонууд Исфана хотын захиргаанай захирна. Хотын албан ёһоной сахим газарай мэдээсэлээр, Исфана ба тойроной тосхонуудай ажаһуугшадай тоо 28 085 хүн зон.[1] Исфана хотодо 18 200 хүн ажаһууна.[3]

Зурагай сомог Заһаха

Зүүлтэ Заһаха

  1. 1,0 1,1 О городе. Официальный сайт Исфаны. 19.04.2012 үдэртэ хандаһан.
  2. Yoqubov, 2001, p. 9
  3. Исфана. SPR. the original on 2016-06-09 үдэрһөө архивлагдаһан. 01.05.2013 үдэртэ хандаһан.