Владимир Святославич

Владимир Святославич (Орос: Володимѣръ Свѧтославичь, 960 он — 1015 оной 7 һарын 15), Новгородой гүн (970—988), Киевэй ехэ гүн (978—1015). Владимирай хааншалалай үедэ 988 ондо хэрээснэг боложо, Византиин үнэн алдарта шажаниие уласайнгаа албан ёһоной шажан болгобо.

Киевэй Ольгын аша хүбүүн болоод, Святослав Игоревичэй ехэ гүнэй нюуса амарагай Малюшкын буташа хүбүүн. Эсэгэһээн Новгородые залгамжалба. Хариншье Ярополк ба Олег хойто эсэгын хүбүүдтэй арсалдажа эрхэтэнэй дайн гараа. Ярополк Олегые илажа алаба. Ярополк Владимирһаа Новгородые эзэлһэн ушар Владимир 977 ондо Скандинавида гүйжэ буугаад, сэрэгтэеэ суг бусажа ерээд Новгородые эзэлжэ 980 ондо Ровнодо Ярополкые диилэжэ алаба. Иигэжэ Владимир шэрүүн зангаараа алдартай бүхы Руссин ноёрхогшо болобо. 988 ондо грегүүдһээ Крымэй Херсонесые абаһанай һүүлдэ хэрээснэг болобо.