Эрбээхэй

Эрбээхэй гү, али Хашарһан далитан (латаар Lepidoptera) — бүрин хубиралтай хорхой шумуулай баг юм. Далиин хоёр хосуудынь ялагар үнгэтэй хашарһатай. Томо зүйлнүүдэй дали 30 см дэлисэтэй, бага зүйлнүүдынь 3 мм оршом дэлисэтэй. Наһаа хүсэһэн (имаго) эрбээхэйнүүд хэдэ хэдэн сагһаа хэдэн долоо хоног хүрэтэр амидарна (үбэлжэдэг эрбээхэйнүүдынь хэдэн һара). 158 000 зүйлнүүд эрбээхэй бии, маша үргэн тарааһан байна. Эрбэхэйнүүдэй олон зүйлнүүд ургамалнуудай тооһо хүртэлтэдэ туһална; торгоной хүр хорхойн үүрһөө торгон үйлэдбэринэ. Олон эрбээхэйн үтэн (орхой) хүдөө ажахын ба ойн ургаса, хүнэһэнэй нөөсэ, арһанай бүтээлые гэмтээнэ. Эрбээхэйн 104 зүйлнүүд Уласхоорондын байгаали ба байгаалиин нөөсэ хамгаалха холбооной Улаан ном соо багтана.