Джованни Пьерлуиджи да Палестрина

Джованни Пьерлуиджи да Палестрина (италяар Giovanni Pierluigi da Palestrina; 1525 оршом, Палестрина, Римэй хажууда, — 2.2.1594, Рим) Италиин хүгжэмэй зохёолшо, Римэй полифониин һургуулиин толгой. 1544—51 оной хоорондо Палестрина хотын гол церковиин органист ба капельмейстерээр ажаллаба. 1551 онһоо хойшо Римдэ (тодорхойгоор хэлэбэл, папын капеллэдэ, Санта-Мария Маджоре церковьто, Сикстын капеллэдэ) ажаллаба. Палестринын уралиг гол түлэб а капелла һүнэһэлиг найрал дуунай хүгжэмтэй холбоотой. Тэрэнэй тунгалаг, үгые хиртэшэгүй полифониин ялагар дээжые зохёоһон байна. Тэрэнэй хүгжэмынь полифониин ба гармониин хуули тогтоомжын тэнсүүри илгаруулна. Палестринын уралигта драматизм ба хурса контрастнууд хари байгаад, тэрэнэй хүгжэмынь тайбан ба бисалгал шанартай. Палестрина шэнэ, тодо ба пластик элирхылэлые хүрэжэ шадаа. Игээд Палестрина XVI-XVII зуунай хилэдэ болоһон найруулгын эрьелтын сэгые бэлдэбэ. Палестрина 100 үлүү мессэ, 180 оршом мотет, магтаал, магнификат, һүнэһэлиг ба хорбоо юртэмсын мадригалнуудые бэшэһэн байна.