Канпур

Канпур (хиндяар कानपुर), Уттар-Прадеш можо уласта Хойто Энэдхэгтэ Ганга мүрэнэй зүүн эрьедэ оршодог хото. Хүн зониинь 2 920 067 ажаһуугшад (2011), хотын захатай тоолобол 2,85 сая ажаһуугшад.

Шухала тээбэриин уулзабари, ниидэхэ онгосын буудалтай. Томо ажаүйлэдбэриин түб. Нэхэмэлэй (хүбэн дабуунай, нооһоной), арһан гуталай, металл эдлэл болбосоруулха, химиин, хүнэһэнэй ажаүйлэдбэри. Машина- болон ниидэхэ онгосо барилга, электроника. Ехэ һургуули (1966 ондо байгуулагданхай) гэхэ мэтэ дээдэ һургуулинууд. 1801 ондо англишуудай эзэлэгдэһэн болотор Канпур хото анхандаа Ауд гүнлигэй заахан тосхон байгаа. 1857—59 оной сипайн буһалгаанай түбүүдэй нэгэн, Нана-сагиб (жэнхэни нэрэнь Данду Пант) Британида эсэргүү хүдэлөөниие толгойлбо.