Киншаса
Киншаса (Франци: Ville de Kinshasa, 1966 он болотор — Леопольдвиль; Франци: Léopoldville), Конго (Заир) Уласай ниислэл хото. Конго мүрэнэй зүүн эрьедэ, Малебо (хуушанаар Стэнли-Пул) гэһэн нуурай хажууда байрлана. Гүрэнэйнгөө эгээн наймаан-тээбэриин, ажаүйлэдбэриин ба соёлой түб. Харин 2009 ондо хотын ажаһуугшадай тоо 10 076 099 хүн байгаашье һаа, хотын дэбисхэр газарай 60% үсөөнхи һуурижаһан хүдөөгэй газар болоно. Зундаа бороо олон, үбэлдөө хуурай cубэкваторой уларилтай; 7 һарын дундажа температура 22°С оршом, 4 һарын дундажа температура 27°С оршом; жэлдээ 1359 мм шииг нойтотой.
Киншаса хото | |||
---|---|---|---|
— хото — | |||
|
|||
Улас орон | БНАКУ | ||
Газар нютаг | 9965 км² | ||
Газарай байса | д.н.д. 240 м | ||
Хүн зон | 2012 ондо 9 464 000 хүн | ||
Нягтарал | 955 хүн/км² | ||
Нютагай олон | Киншасынхид | ||
Амбан сайд | Андре Кимбута Янго | ||
Сахим газар | kinshasa.cd (францяар) |
Киншаса бэеэ дааһан засаг захиргаанай нэгэжэ болоно. Хотын засаг захиргаан амбан сайдаар хүтэлэгдэнэ.
Уугуул зоной бишыхан һуури газартахи 1881 ондо сэрэгэй бэхилэлтээр Һенри Стэнли шэнжэлэгшын байгуулагдаһан; Бельгиин II Леопольд хаанай нэрэмжээр Леопольдвиль нэрлэһэн. 1926—60 оной хоорондо Бельгиин Конгогой ниислэл. 1959 оной 1 һарын 4-дэ тус хотодо гүрэнэй олониитын бэе даанги байдал түлөө хүдэлөөн эхилээ һэн. 1960—64 оной хоорондо Бүгэдэ Найрамдаха Конго Уласай ниислэл, 1964—71 — Бүгэдэ Найрамдаха Арадшалһан Конго Уласай, 1971 — Бүгэдэ Найрамдаха Заир Уласай ниислэл.